«Салиқалы ұрпақ» қоғамдық қоры Мақтарал ауданындағы үйлердің құрылысын аяқтады

Болат Назарбаевтың «Салиқалы ұрпақ» қоғамдық қорының қаражаты есебінен Мырзакент кентінің жаңа шағын ауданында (Түркістан облысы Мақтарал ауданының әкімшілік орталығы) су тасқынынан зардап шеккен тұрғындар үшін 20 үйдің құрылысы аяқталды.

Болат Назарбаевтың «Салиқалы ұрпақ» қорының қаражаты есебінен Мырзакент кентінің жаңа шағын ауданында (Түркістан облысы Мақтарал ауданының әкімшілік орталығы) су тасқынынан зардап шеккен тұрғындар үшін 20 үйдің құрылысы аяқталды.

Болат Назарбаев қорының басшысы Қасым Қасабеков үй құрылысын қысқа мерзімде аяқтау міндеті қойылғанын атап өтті. Бұл зардап шеккен отбасыларды суық ауа райы басталғанға дейін жайлы, жылы баспанамен қамтамасыз ету үшін қажет болды. Қор аталған тапсырманы сәтті орындады. Үйлер барлық құрылыс стандарттарына сәйкес салынған.

Сондай-ақ, «Салиқалы ұрпақ» қоры қажетті инфрақұрылымды құруға қатысты: көшелер толығымен асфальтталған, әрбір үйге су, жарық және газ сияқты инженерлік коммуникациялар жүргізілген. Енді жаңа үйлерде 20 бақытты отбасы тұра алады.

Жақында Қасым Қасабеков Түркістан облысы әкімінің орынбасары Мейіржан Мырзалиевпен кездесті. Кездесу барысында қор басшысы құрылыс жұмыстарының аяқталғаны туралы баяндады. Сондай-ақ, су тасқынынан зардап шеккен отбасылар арасында тұрғын үйлерді бөлу мәселелері талқыланды. Әкім орынбасары қор басшысы Болат Назарбаевқа қажетті және өтеусіз көмек көрсеткені үшін ризашылығын білдірді.

Қоныстанушылар жаңа үйлерге өте риза. Олар үйлердің ұнағанын жеткізді. Үйлер үлкен отбасылар үшін ыңғайлы әрі кең, сапасы өте жақсы.

Мырзакентте әлі де жойқын су тасқынының салдарын жою жұмыстары жүргізілуде. Кентте жаңа шағын аудан салынды, онда 115 тұрғын үй дайын, қосымша тағы 271 үй салынады. Тұрғын үйлердің жартысы мемлекеттік бюджет есебінен салынатын болады. Екінші жартысы Болат Назарбаев қоры сияқты қайырымдылық қорларының қаражаты есебінен тұрғызылады. Айта кетейік, «Салиқалы ұрпақ» қоғамдық қоры тұрғын үй құрылысын бірінші болып аяқтады.

Қор мақтаралдықтарға жаңа тұрғын үйлер сыйлап қана қоймай, су тасқынынан кейін бірден аудан тұрғындарын белсенді түрде қолдап, 20 тонна бірінші қажеттіліктегі азық-түлік жеткізді және зардап шеккен көпбалалы отбасылардан шыққан 20 баланы сауықтыру үшін жазғы демалыс лагеріне жіберді.

«Салиқалы ұрпақ» қоры 2016 жылы көпбалалы және аз қамтылған отбасылардан шыққан балаларды, жетім балаларды емдеу, дәрі-дәрмекке, оқу ақысын төлеуге қаражаты жоқ балаларды қолдау үшін құрылды. Сонымен қатар, қор қазақтың ұлттық дәстүрлерін қолдау, мәдени құрылыстар салу, спорттық іс-шаралар өткізу және басқа да қайырымдылық қызмет бойынша ауқымды жұмыс жүргізуде.

E-mail поштаңызды жазыңыз, бiз Сiзге хабарласамыз!

Ерікті болғыңыз келе ме?

Бізбен байланыс

Телефон: 8 727 239 72 08

Email: Salikaly_urpak@mail.ru

Мекен-жайы: Алматы, Алатау ауд., Әйгерім-2 ы/а., Бәйтенев к-сі 55