«БЕРЕКЕ ҮЙІ» жобасы

«БЕРЕКЕ ҮЙІ» жобасы
2016 жылы Болат Назарбаевтың «Салиқалы ұрпақ» қоры балалар үйлерінің санын қысқарту мақсатында және өмірде қиын жағдайға ұшыраған балалар уақытша тұратын «БЕРЕКЕ ҮЙІ» жобасын құрды.

Бүгінгі таңда пансионатта 30-дан астам жетім және ата-анасының қамқорлығынсыз қалған бала тату-тәтті тұрып жатыр.

Интернаттың басты артықшылығы – отбасындағыдай жылы және мейірімді атмосфера. Пансионаттың қызметкерлері, атап айтқанда тәрбиешілер, медбикелер, аспаздар отбасындағы ересектердің міндетін атқарады. Тәрбиешілер балалардың сабақтарына көмектеседі, балалармен оқу пәндері бойынша қосымша сабақтар өткізеді. Балаларды бақылап, олардың әлеуетін ашады, адами қасиеттерге баулиды, балалардың ішкі әлемін қалыптастыруға көмектеседі, яғни балаларды үлкен өмірге дайындайды.

Қасым Қасабеков
Қор басшысы
«БЕРЕКЕ ҮЙІ» пансионаты - балалар үйлерінің санын қысқарту үшін құрылған және өмірде қиын жағдайға ұшыраған балалар уақытша тұруға арналған үй
Пансионатта 5 уақыт тамақ беріледі, таңғы ас, түскі ас, бесін ас және кешкі ас әзірленеді. Екі аспаз өсіп келе жатқан балалардың ағзасына қажетті тағамдар дайындайды, мәзірге дәрумендер мен қоректік заттарға бай тағамдар қосады.

Дене денсаулығын дамыту үшін балалар үшін бірнеше спорт секциясы жұмыс істейді. Балалар бокспен, кикбокспен, жүзумен және т.б. спорт түрлерімен айналысады, қалалық деңгейдегі жарыстарға белсенді қатысады.

Медицина қызметкері балалардың жалпы жағдайын қадағалайды, қажет болған кезде алғашқы медициналық көмек көрсетеді, пансионат аумағында санитарлық нормалардың сақталуын бақылайды.

Балаларды тәуелсіз өмірге бейімдеу мақсатында пансионат басшылығы түрлі іс-шаралар өткізеді: оларды табиғат ортасына алып шығады, киноға апарады, танымал тұлғалармен кездесулер ұйымдастырады.

«БЕРЕКЕ ҮЙІ» пансионаты жұмыс істей бастағалы үш жылда 60-тан астам мұқтаж отбасының балаларына көмек берілді. Олар пансионатта тек денсаулықтарын түзетіп қоймайды, сонымен бірге өмірлік достарын табады.
E-mail поштаңызды жазыңыз, бiз Сiзге хабарласамыз!
Ерікті болғыңыз келе ме?
Бізбен байланыс
Телефон: 8 727 239 72 08

Email: Salikaly_urpak@mail.ru

Мекен-жайы: Алматы, Алатау ауд., Әйгерім-2 ы/а., Бәйтенев к-сі 55
Copyright ©2021 Барлық құқықтар сақталған
Бізбен хабарласқыңыз келе ме?
Деректеріңізді қалдырыңыз біз сізге қоңырау шаламыз!