Біздің түлектеріміз

Біздің мақтанышымыз

Бұл балалардың тағдыры қанша ауыр болғанымен, олар өз өмірлерін «Салиқалы ұрпақ» қоры арқылы түбегейлі өзгертті. Олар мейірім мен қамқорлықтың арқасында биік белестерге ұмтылып, армандарын жүзеге асыруда.
Сіздің көмегіңіз арқылы тағы да талай бала өз болашағына сенімді бола алады. Біздің қорды қолдап, бірге ізгіліктің дәнін себейік!

Жүрекке жылу сыйлайық

Анасының махаббатынан ерте айырылған Нұрсұлтан 2018 жылдан бері қордың қамқорлығында болды. Қазір ол архитектура, дизайн және инженерия колледжінде білім алып, үлкен армандарына жақындап келеді.

Нұрсұлтанның арманы

2009 жылы дүниеге келген Диас тағдырдың жазуымен анасыз қалды. 2016-2017 жылдары ол пансионатта тәрбиеленді. Қазір мектепте оқып жүр, болашағына үлкен сеніммен қарайды.

Диастың үміті

Әкесінен ерте айырылған Мұқағали 2017-2021 жылдары қордың қамқорлығын сезінді. Мектепті аяқтап, 2023-2024 жылдары әскерде борышын өтеп келді. Қазір ол жұмыс істеп, өмірден өз орнын табуда.

Мұқағалидың еңбек жолы

Руханидың тағдыры ауыр болды: әкесі түрмеде, ал анасы оны жалғыз қалдырып кетті. Бірақ ол қиындықтарға мойымай, 2017-2024 жылдары пансионатта тәрбиеленді. Бүгінде ол ҚазҰПУ-дың грант иегері және университеттің волейбол командасында өнер көрсетуде.

Руханидың жетістігі

Әке-шешесіз қалған Танжарық 2018-2021 жылдары пансионатта білім алып, тәрбиеленді. Ол өмірге деген құштарлығы мен еңбегінің арқасында Еуразия ұлттық университетінің грантын жеңіп алып, қазір Астанада 1-курста оқып жүр.

Танжарықтың жеңісі

Анасыз қалған егіздер – Омар мен Оспанның тағдыры қордың қамқорлығымен өзгерді. Олар 2016-2017 жылдары “Береке үйінде” тәрбиеленіп, өмірге нық сеніммен қадам басты. Қазір Омар колледжде оқып жүр, ал Оспан отбасын құрып, жұмыс істеп жатыр.

Омар мен Оспан: Егіздердің тағдыры.

Бекзат анасыз қалғаннан кейін, тағдырдың қиындығына тап болды. Бірақ 2016−2017 жылдары «Салиқалы ұрпақ» қорында тәрбиеленіп, өзіне деген сенімін оятты. 2022 жылы әскерден оралғаннан кейін, қазір Алматыда еңбек етіп, өз армандарына қадам басуда.

Батыр Бекзат

Жетімнің де жүрегі арманға толы

«Салиқалы ұрпақ» қайырымдылық қоры – тағдырдың ауыр сынақтарына ұшыраған балалар үшін үміт отын жаққан мекен. Мұнда әр балаға қамқорлық көрсетіліп, жарқын болашаққа сенім берілді. Қордың шуағына бөленген әр тәрбиеленушінің өмір жолы жүрекке жылы тиер, әсерлі хикая.

Ерікті болғыңыз келе ме?

E-mail поштаңызды жазыңыз, бiз Сiзге хабарласамыз!

Бізбен байланыс

Телефон: 8 727 239 72 08

Email: Salikaly_urpak@mail.ru

Мекен-жайы: Алматы, Алатау ауд., Әйгерім-2 ы/а., Бәйтенев к-сі 55